
Azərbaycanı Eurovision-2009 mahnı müsabiqəsində təmsil edəcək şəxs məlum olub.
İTV-nin baş direktoru İsmayıl Ömərov, Bakı Musiqi Akademiyasının rektoru Fərhad Bədəlbəyli,
Azərbaycan Mədəniyyətinin Dostları Fondunun icraçı direktoru İbrahim Quliyev, Beynəlxalq Musiqi
Şurasının Azərbaycan Milli Musiqi Komitəsinin prezidenti Lalə Kazımova, Müslüm Maqomayev adına
Azərbaycan Dövlət Filarmoniyasının direktoru Murad Adıgözəlzadə, Mədəniyyət və Turizm Nazirliyinin
sektor müdiri Mənzər Nurəliyeva və Gənclər və İdman Nazirliyinin nümayəndəsi Fərhad Hacıyevdən
ibarət 7 nəfərlik münsiflər heyəti 40 iddiaçı arasından 19 yaşlı Aysel Teymurzadə üstünlük veriblər.
Qeyd edək ki, seçim turları 2008-ci il oktyabrın 24-25-də keçirilib. Seçim turlarına əsasən,
televiziyalarda keçirilmiş müxtəlif mahnı müsabiqələrinin iştirakçıları qatılıblar. Onu da əlavə edək ki,
Aysel Teymurzadə Yeni Ulduz-4 müsabiqəsinin iştirakçısıdır. O, ABŞ-da keçirilən müsabiqələrdən
birində qızıl medal qazanıb. A. Teymurzadənin Eurovision-2009-da ifa edəcəyi mahnı isə hələ
müəyyənləşməyib. Bu məqsədlə bəstəkarlar arasında müsabiqə elan olunub. Xatırladaq
ki, Eurovision-2009 Moskvada keçiriləcək.
Təşəkkür edənlər :splendid__girl,Mehemmed_2009,Mehemmed_2009,Mehemmed_2009,Mehemmed_2009,Mehemmed_2009,Mehemmed_2009,Mehemmed_2009
Mövzuya oxşar digər xəbərlər:




































































































